मकवानपुरगागढीगाउँपालिकामा कृषि तथा पर्यटन प्रबर्द्धनमा मिडियाको भुमिका सम्बन्धि अभिमुखीकरण
मकवानपुरगाढी पत्रकार समाजको आयोजनामा मंगलबार गढीगाउँपालिकामा कृषि तथा पर्यटन प्रबर्द्धनमा मिडियाको भुमिका सम्बन्धि अभिमुखीकरण कार्यक्रम सम्पन्न भएको छ । कार्यक्रममा बोल्दै गाउँपालिका अध्यक्ष बिदुर हुमागाईले गढीमा विकासको संभावना धेरै रहेको तर श्रोत र साधनको अभाव रहेको बताउनुभयो ।
जनसक्ति र इच्छा शक्ति भएपनि आर्थिक अभावले काम गर्न समस्या रहेको उहाँसो भनाइ छ । अध्यक्ष हुमागाइले पत्रकारलाई राम्रो कामको प्रचार र नराम्रो काममा खवरदारी गरिदिन आग्रह समेत गर्नुभयो ।
मकवानपुर गढीगाउँपालिका पत्रकार समाजका अध्यक्ष सरिता दाहालको अध्यक्षतामा कार्यक्रम सम्पन्न भएको हो। कार्यक्रम गढी गाउँपालिका कृषि शाखा प्रमुख चन्द्र कान्त चौधरीले पालिकाले गत तथा चालु आर्थिक वर्ष पुस महिनासम्म कृषि क्षेत्रमा भएगरेको उपलब्धी तथा कृषि प्रबर्द्धनमा गरिन सकिने कार्य बारे कार्यपत्र प्रस्तुत गर्नुभएको थियो । त्यसैगरी गाउँपालिकाका प्रमुख प्रशासकीय अधिकृत राम कुमार पुडासैनीले पर्यटन प्रवर्द्धनमा भए गरेका प्रगतिको बारेमा कार्यपत्र प्रस्तुत गर्नुभएको थियो ।
कार्यक्रममा गढी ३ का वडा अध्यक्ष भागवत घिमिरे, नेपाल पत्रकार महासंघ बागमती प्रदेशका महासचिब कृष्ण सारु मगर, नेपाल पत्रकार महासंघ मकवानपुरका अध्यक्ष हरि हुमागाई, पत्रकार महासंघ मकवानपुरका पुर्ब अध्यक्ष राममणी दाहाल, प्रेस संगठनका केन्द्रीय सदस्य रामकुमार एलन, प्रेस युनियन मकवानपुरमा अध्यक्ष तथा महासंघ उपाध्यक्ष कुमार अधिकारी लगायतले मन्तव्य व्यक्त गर्नु भएको थियो ।
यो पनि पढ्नुहोस्
