ऐतिहासिक मकवानपुरगढीको २ सय ५८ औं विजयउत्सव मनाइयो
ऐतिहासिक मकवानपुरगढीको २ सय ५८ औं विजयउत्सव कार्यक्रम आज मनाइएको छ । मकवानपुरगढी बिजयउत्सव मुल समारोह समितिको आयोजनामा गरिएको कार्यक्रममा मकवानपुरगढी गाउँपालिकाका अध्यक्ष विदुर हुमागाईले गढीको इतिहास र महत्व बारे बताउनु भएको थियो ।
उहाँले गढिलाई पर्यटकिय क्षेत्रका रुपमा विकास गर्दै लैजाने बताउनुभयो । मकवानपुर क्षेत्र नम्बर १ का निवर्तमान सांसद कृष्ण प्रसाद दाहालको प्रमुख आतिथ्यतामा कार्यक्रम भएको हो ।
कार्यक्रममा जिल्ला समन्वय समिति मकवानपुरका प्रमुख रघुनाथ खुलाल, जिल्ला समन्वय समितिका उपप्रमुख भगवती पुणासैनी, मकवानपुरका प्रमुख जिल्ला अधिकारी गोविन्द प्रसाद रिजाल, गाउँपालिकाका उपाध्यक्ष हर्कमायाँ रुम्बा, नेपाल पत्रकार महासंघ मकवानपुरका अध्यक्ष हरि हुमागाई, मकवानपुरगढी २ का वडा अध्यक्ष बखानसिंह पाखृन लगायतकाले बिजय उत्सवको शुभकामना व्यक्त गर्नुभएको थियो ।
यो पनि पढ्नुहोस्
