मकवानपुरको इन्द्रसरोवर गाउँपालिकामा अज्ञात समूहद्धारा गाडीमा आगजनी
मकवानपुरको इन्द्रसरोवर गाउँपालिका(४ मा अज्ञात समूहले गाडीमा आगजनी गरेको छ । हेटौँडाबाट काठमाण्डौका लागि छुटेको बा १३ च ७९६९ नम्बरको गाडीमा आगजनी भएको जिल्ला प्रहरी कार्यालय मकवानपुरले जनाएको छ ।
बिहान २ बजेतिर १० जनाको समूहमा आएकाहरुले चालकलाई गाडीबाट ओरालेर गाडीमा आगो लगाएका मकवानपुरका प्रहरी उपरीक्षक सोमेन्द्र सिंह राठौरले जानकारी दिनुभयो । आगजनी गर्ने व्यक्ति नेकपा विप्लव समूहका कार्यकर्ता रहेको आशङ्का गरिएको छ ।
यसैगरी मकवानपुरको वाग्मती गाउँपालिका-४ झुरझुरेमा शङ्कास्पद वस्तु भेटिएको छ । धरान चतरा सडकखण्ड अन्तर्गत वाग्मती-४ झुरझुरेमा सडकखण्डको बीचमै शङ्कास्पद वस्तु पछि नष्ट गरिएको छ भने हेटौँडा–५ सिँचाइ टोल नजिक जेब्रा झोलामा भेटिएको आइइडी नेपाली सेनाले नष्ट गरेको छ ।
यो पनि पढ्नुहोस्
