हेटौंडाको होटल सामना “सिद्धार्थ ग्रुप”ले सञ्चालन गर्दै
हेटौंडाको मेनरोडमा रहेको होटल सामना अब देखि सिद्धार्थ बिजनेस ग्रुप अफ हस्पिटालिटीले सञ्चालन गर्न सुरु गरेको छ । आजबाट औपचारिक रुपमा सिद्धार्थ ग्रुपले सञ्चालन गर्न लागेको हो ।
आज हेटौंडामा पत्रकार सम्मेलन गर्दै यसका बारेमा जानकारी गराइएको हो । पहिलेको भन्दा केही सुविधाहरु थप गरेर होटल सञ्चालन गर्न लागिएको सिद्धार्थ ग्रुपका कार्यकारी प्रमुख कृष्ण न्यौपानेले वताउनुभयो ।
यस होटलमा ५८ वटा कोठा, तालिम र पार्टीका लागि ३ वटा सभाहल, रेष्टुरेन्ट, बार, क्याफे, प्राइभेट डाइनिङ रुम, स्वीमिङ पुल लगायतका सुविधाहरु रहेको होटलका निर्देशक गौरब आचार्यले वताउनुभयो । होटल सामना प्रालिलाई थप गुणस्तरिय बनाउने उदेस्यका साथ होटल क्षेत्रमा सहकार्य गरेर काम गर्न सुरु गरेको आयोजकले जनाएको छ ।
देशका विभीन्न जिल्लामा सिद्धार्थ ग्रुपले होटल सञ्चालन गर्दै आएको छ । देशका विभीन्न स्थानमा २८ वटा साखा सञ्चालन गरिएको सिद्धार्थ ग्रपका कार्यकारी प्रमुख न्यौपानेले वताउनुभयो ।
यो पनि पढ्नुहोस्
