हेटौंडामा जुवा खेल्दै गरेका १५ जना पक्राउ, नगद ३ लाख ३२ हजार बरामद
मकवानपुर प्रहरीले चार्डपर्व सकिए पनि तास र कौडा खेल्ने १५ जनालाई गएराती हेटौंडाबाट पक्राउ गरेको छ ।
तास खेलीरहेको सूचनाका आधारमा घेरा हाली हेटौँडा उपमहानगरपालिका –४ पारीजातपथबाट १५ जना जुवाडेलाई नगद सहित पक्राउ गरेको जिल्ला प्रहरी कार्यालय मकवानपुरका प्रहरी उपरिक्षक शुशिलसिंह राठोरले जानकारी दिनुभयो । उनीहरुको साथबाट प्रहरीले ३ लाख ३२ हजार रुपैयाँ बरामद गरेको हो ।
हेटौँडा पारिजातपथ बस्ने दिल बहादुर मोक्तानको घरमा जुवा खेलाईरहेको भन्ने सुचनाको आधारमा प्रहरीले घेरा हालेर उनीहरुलाई पक्राउ गरेको हो । प्रहरीले उनीहरुबाट १२ बुक तास र ३१ वटा कौडा समेत बरामद गरेका छ ।
तास खेलाउने घरधनी फरार रहेको जनाइएको छ। पक्राउ परेकाहरुलाई मुलुकी अपराध संहिता ऐन,२०७४ को परिच्छेद ५ को दफा १२५ अनुसार आवश्यक अनुसन्धान भइरहेको मकवानपुर प्रहरीले जनाएको छ।
यो पनि पढ्नुहोस्
