छठ पर्वको मुख्य दिन आज अस्ताउदो सुर्यलाइ अर्घ दिइयो( तस्वीरहरु)

आज रातभर नदी किनारमा हालिएको पालमुनि जाग्राम बसेर बिहान उदाउँदो सूर्यलाई अर्घ्य दिइन्छ। छठ पर्वको व्रत बस्नाले मनोकाङ्क्षा पूरा हुने, छाला एवं आँखाको रोग नलाग्ने धार्मिक विश्वास छ ।                               छठ पर्वको पहिलो दिन स्नान गरी एक छाक खाएर बस्ने गरिन्छ । दोस्रो दिन कार्तिक शुक्ल पञ्चमीमा सखर हालेर बनाइएको खीर (खरना) षष्ठी मातालाई चढाएर अलिकति व्रतालुले प्रसादस्वरुप खाने र नुन नखाएरै एक छाक फलाहार गरिन्छ ।  यो पर्वको मुख्य दिन कार्तिक शुक्ल षष्ठीका दिन कठोर निराहार व्रत बसी बेलुकी अस्ताउँदो सूर्यलाई पूजा आराधना गरी अर्घ्य दिने र भोलिपल्ट उदाउँदो सुर्यलाइ अर्घ दिएपछि व्रत समापन हुन्छ।