कोरोना अपडेटः बिहिबार बागमती प्रदेशमा मात्रै ४ संक्रमितका मृत्यु
कोरोना भाइरस संक्रमणबाट बिहिबार बागमती पदेशमा मात्रै ४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा बागमती प्रदेशका ४ र प्रदेश ५ का १ गरी ५ जना कोरोना संक्रमितको मृत्यु भएको हो ।
मृत्यु हुनेहरुमा काठमाडौंका ५५ वर्षीया महिला, ५९ र ८३ वर्षीय पुरुष र चितवनका ६२ वर्षीय एक पुरुष र प्रदेश नं। ५ को कपिलवस्तु जिल्लाका २९ वर्षीय एक पुरुष रहेका छन् । योसँगै नेपालमा कोरोनाबाट ज्यान गुमाउनेको संख्या ३१७ पुगेको छ।
यस्तै नेपालमा बिहिबार १२ सय ४६ जना नयाँ संक्रमित थपिएका छन् । योसँगै नेपालमा कोरोना संक्रमितको कुल संख्या ५० हजार ४ सय ६५ पुगेको छ। हाल देशभर संक्रिय संक्रमितको संख्या १४ हजार ४ सय ४८ रहेको मन्त्रालयले जानकारी दिएको छ ।
यो पनि पढ्नुहोस्
