बागमती प्रदेशमा ७६ हजार बढीको पीसीआर परिक्षण गर्दा १२ हजार ५१५ जनामा संक्रमण पुष्टि
बागमती प्रदेशमा अहिलेसम्म ७६ हजार भन्दा बढी पीसीआर परिक्षण गर्दा १२ हजार ५ सय १५ जनामा कोरोना भाइरस संक्रमण पुष्टि भएको छ । कोरोना संक्रमणबाट बागमती प्रदेशमा ९० जनाको मृत्यु भइसकेको छ ।
कोरोनाको शंका लागेका र संक्रमितसंग कन्ट्रयाक टे«सिङमा परेकाहरुको अहिले सम्म ७६ हजार ५ सय १४ जनाको पीसीआर परिक्षण गरिएको बागमती प्रदेशको सामाजिक विकास मन्त्रालयले जनाएको छ । हिजो एकै दिन ५ सय १५ जनामा संक्रमण पुष्टि भएको थियो । यो अहिलेसम्मकै बढी हो । कोरोना संक्रमणबाट स्वास्थ्यकर्मी, सुरक्षाकर्मी पनि प्रभावित भएका छन् ।
बागमती प्रदेशमा ५ हजार ९७ जना कोरोना संक्रमित उपचार पछी विभिन्न अस्पतालबाट डिस्चार्ज भएको बागमती प्रदेशको सामाजिक बिकास मन्त्रालयका डाक्टर पुरुषोत्तम सेढाईले जानकारी दिनुभयो । नेपालभरीमा ४९ हजार २ सय १९ जना कोरोना संक्रमित हुँदा यस प्रदेशमा कुल संक्रमितको २५ दशमलव ४३ प्रतिशत देखा परेका हुन् ।
यो पनि पढ्नुहोस्
