कोरोना अपडेट: मकवानपुरमा थप ३४ जनामा संक्रमण पुष्टि
मकवानपुरमा आज थप ३४ जनामा कोरोना भाइर संक्रमण पुष्टि भएको छ । कोरोना पुष्टि भएका ३४ जना मध्ये २ जना हेटौंडामा कार्यरत नेपाल प्रहरी र अन्य १६ जना हेटौंडा उपमहनागरपालिका कार्यलयमा कार्यरत कर्मचारी रहेको जनस्वास्थ्य निरिक्षक भोला चौलागाईले जानकारी दिनुभयो । दुइजना कर्मचारीमा कोरोना संक्रमण पुष्टि भएपछी केही कर्मचारीले मात्र कार्यालय सञ्चालन गर्दै आएका थिए ।
मेयर महतका चालकलाई कोरोना संक्रमण भएपछी उपमहानगरपालिकामा कार्यरत ४८ जना कर्मचारीको स्वाब परिक्षण गरिएको थियो ।
कोरोना संक्रमित हुनेहरुमा २७ जना पुरुष र ७ जना महिला रहेका छन् । हेटौडा–१ मा ५ जना, हेटौंडा–२ मा ६ जना, हेटौंडा–९ मा ३ जना, हेटौंडा–४ मा ६ जना, हेटौंडा–५ मा ५ जना, हेटौंडा–६ मा १ जना, हेटौंडा–१५ मा १ जना, हेटौंडा–१६ मा १ जना, हेटौंडा–१० मा १ जना, हेटौंडा–११ मा १ जना र अरु २ जना प्रहरी कोरोना संक्रमण पुष्टि भएको जनस्वास्थ्य निरिक्षक चौलागाईले जानकारी दिनुभयो ।
यो पनि पढ्नुहोस्
