कोरोना अपडेटः मकवानपुरमा थप ११ प्रहरी सहित १६ जनामा संक्रमण पुष्टि
मकवानपुरमा आज थप १६ जनामा कोरोना संक्रमण पुष्टि भएको छ । मकवानपुरमा कार्यरत ११ जना प्रहरी सहित १६ जनामा कोरोना संक्रमण पुष्टि भएको हो ।
हेटौंडाको किट जन्य रोग अनुसन्धान केन्द्रमा गरिएको परिक्षणमा १२ जना पुरुष र ४ जना महिलामा कोरोना संक्रमण पुष्टि भएको हेटौंडा उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो ।
चौलागाईका अनुसार हेटौडा–४ का तीन महिला, एक पुरुष र हेटौंडा–१० की एक महिलामा संक्रमण देखिएको हो । संक्रमण देखिने नेपाल प्रहरीमा रौतहटका २ जना, सिन्धुलीको १ जना, बाँकेको २ जना, पर्साको १ जना, धादिङको १ जना, कञ्चनपुर र चितवनको ३ जना रहेका छन् । संक्रमित प्रहरी सबै पुरुष रहेका छन् ।
यो पनि पढ्नुहोस्
