महिलालाई सामाजिक सञ्जाल मार्फत अश्लिल व्यवहार गर्ने घिमिरे हेटौडाका युवाको सक्रियतामा परे प्रहरीको फन्दामा
सामाजिक सञ्जाल फेसबुकमा महिलाहरुलाई अपशब्द बोल्ने मकवानपुरगढी गाउँपालिका वडा नम्बर ६ घर भई हाल चितवन बस्ने केदारप्रसाद घिमिरे प्रहरीको फन्दामा परेका छन् ।
घिमिरेलाई मकवानपुर जागरण अभियानका अध्यक्ष कृष्णराज कोईराला र नेपाल तरुण दलका जिल्ला अध्यक्ष ईश्वर पाठकले नियन्त्रणमा लिई प्रहरीलाई बुझाउनु भएको हो । २५ वर्षीय घिमिरे फेसबुकमा बिपिन अधिकारी नामको फेक आईडी बनाई महिलाहरुलाई म्यासेञ्जरमा अश्लिल भिडियो तथा अडियो रेकर्ड गरी गाली बेइज्जत गर्ने गरेको थिए ।
बिगत केही समयदेखि घिमिरेले महिलाहरुलाई फेसबुक मार्फत दुव्र्यवहार गरेको गुनासो आफुहरुलाई आएको कारण आज हेटौँडा ५ मनकामना चोकबाट घिमिरेलाई नियन्त्रणमा लिईएको मकवानपुर जागरण अभियानका अध्यक्ष कृष्णराज कोइरालाले जानकारी दिनुभयो ।
जिल्ला प्रहरी कार्यालय मकवानपुरका प्रवक्ता ईन्द्रबहादुर रानाले घिमिरेलाई नियन्त्रणमा लिईएको र सार्वजनिक हित, नैतिकता विरुद्धको कसुर तथा साईबर क्राईम अन्तगर्त कारवाही गरिने बताउनुभयो ।
यो पनि पढ्नुहोस्
