कोरोना सङ्क्रमित घट्दै गएको ट्रम्पको दाबी  

अमेरिकी राष्ट्रपति डोनाल्ड ट्रम्पले अमेरिकामा कोरोना भाइरसका सङ्क्रमितको सङ्ख्या घटेको बताउनुभएको छ ।

गत शनिबारबाट कोरोना भाइरसका सङ्क्रमितहरुको सङ्ख्या उल्लेख्य रुपमा घटेको राष्ट्रपति ट्रम्पले दाबी गर्नुभएको अन्तराष्ट्रिय सञ्चारमाध्यमहरुले खबर लेखेका छन् ।

अमेरिकाभरमा कोरोना भाइरसको सङ्क्रमण दरमा कमी आएको भन्दै यसबाट थोरै भए पनि आशा जागेको उहाँले बताउनुभएको छ । अमेरिकामा ९१ हजार ९ सय ७३ जनाको मृत्यु कोरोनाकै कारण भएको छ भने १५ लाख ४९ हजार मानिस सङ्क्रमित भएका छन् ।