कोरोना अपडेटः लकडाउन मे ९ सम्म लम्ब्याउने पाकिस्तानको निर्णय
पाकिस्तानले कोरोना भाइरस नियन्त्रणको लागि लगाइएको लकडाउन मे ९ सम्म लम्ब्याउने निर्णय गरेको छ । पछिल्लो समय कोरोना भाइरसका संक्रमित तथा मृत्यु हुनेको संख्या निरन्तर बढेसँगै पाकिस्तानले यस्तो निर्णय गरेको हो ।
शुक्रबार विकास तथा योजना निर्माणमन्त्री असद उमरले पाकिस्तानमा लकडाउन थप १५ दिन बढाउने निर्णय भएको बताएका हुन् । उमरले जिम्मेवार भएर लकडाउन पालना गर्न सबैलाई आग्रह गरेका छन् ।
उनले सबै मानिस जिम्मेवार नहुने हो भने लकडाउनमा थप कडाइ गरिने चेतावनी पनि दिएका छन् । पाकिस्तानले मुस्लिमहरुको पर्व रमजानमा सामाजिक दूरी कायम गर्दै प्रार्थना गर्न अनुमति दिएको छ ।
अहिलेसम्म पाकिस्तानमा कोरोना भाइरसबाट संक्रमितको संख्या ११ हजार सात सय नाघिसकेको छ भने यसबाट दुई सय ४८ जनाको मृत्यु भइसकेको छ ।
स्रोतः द डान
यो पनि पढ्नुहोस्
