पछिल्लो २४ घण्टामा ८८ जनाको नमूना परीक्षण, नयाँ संक्रमित भेटिएन
कोरोनाको आशंकामा पछिल्लो २४ घण्टामा ८८ जनाको नमूना परीक्षण भएकोमा कसैमा पनि नयाँ संक्रमण नभएको पाइएको छ ।
स्वास्थ्य तथा जनसंख्या मन्त्रालयले अहिलेसम्म एक हजार पाँच सय २९ जनाको नमूना परीक्षण भएको जनाएको छ । हिजोसम्म कोरोनाको आशंकामा एक हजार चार सय ४१ जनाको नमूना परीक्षण भएको थियो, सीआईएनले लेखेको छ ।
कोरोनाको आशंकामा भक्तपुरको खरिपाटीमा क्वारेन्टाइनमा रहेका ९४ जना सबैको नमूना नेगेटिभ आएको स्वास्थ्य मन्त्रालयका प्रवक्ता डा विकास देवकाटाले बताउनुभयो । कोरोना प्रभावित देशबाट आएका ९४ जना नागरिकलाई क्वारेन्टाइनका लागि खरिपाटीमा राखिएको थियो ।
काठमाडौं उपत्यकाको विभिन्न अस्पतालमा १२ र उपत्यका बाहिर एक सय सय एक जना आइसोलेसनमा रहेका पनि मन्त्रालयले जनाएको छ ।
प्रवक्ता देवकोटाका अनुसार धरान, पोखरा, जनकपुर, सुर्खेत, हेटौडा, धनगढी, बुटवल र र धुलिखेलबाट कोरोनाको परीक्षण सुरु भइसकेको छ भने चितवनमा भने आजबाट परिक्षण सुरु हुने छ ।
यो पनि पढ्नुहोस्
