झगडा नियन्त्रणमा लिन प्रहरिद्धारा तीन राउण्ड गोली हवाई फायर, एक जना प्रकाउ
हेटौंडा उपमहानगरपालिका १३ पदमपोखरी साङ्गेचोकमा गएराती गोलि चलेको छ । मिलनटोल र साङ्गेटोलका १०।११ जना युवाहरुको विचमा भएको विवादका कारण प्रहरीले नियन्त्रणमा लिनका लागि तीन राउन्ड हवाइ फायर गरेको हो ।
मध्यपान गरी होहल्ला गर्दै हिडेका मिलनटोलका युवाहरुलाई साङ्गेटोलका युवाहरुले होहल्ला नगर्न आग्रह गर्दा मध्यराती झगडाले उग्ररुप लिएको थियो ।
उक्त झगडालाई साम्य पार्नका लागि प्रहरीले हवाइफायर गरेको जिल्ला प्रहरी कार्यालय मकवानपुरका प्रहरी उपरिक्षक सुशिल सिंह राठौरले जानकारी दिनुभयो । प्रहरीद्धारा एक राउण्ड गोली फायर भएपछि झै झागडा गर्ने मिलनचोकको समूहका केटाहरु फरार भएका र खोजतलास गर्ने क्रममा मिलान चोक १२ बस्ने वर्ष २० को रोशन बललाई फेला पारी नियन्त्रण लिन खोज्दा प्रहरी तर्फनै ढुङ्गा मुढा प्रहार गरेकोले नियन्त्रणमा लिन थप २ राउण्ड एसएलआर बाट हवाई फायर गरी नियन्त्रणमा लिएको थियो ।
यो पनि पढ्नुहोस्
