४ करोड भन्दा बढी मुल्यको सुन सहि हेटौंडामा एक भारतीय पक्राउ
जिल्ला प्रहरी कार्यालय मकवानपुरले ६ किलो २८९ ग्राम, ३५० मिलि ग्राम सुन सहित भारतिय नागरिकलाई पक्राउ गरेको छ ।
भारतको करनाटक बस्ने ४२ बर्षका अब्दुल मजिद अनेकललाई आज पक्राउ गरि सार्वजनिक गरेको हो ।
आज बिहान हेटौंडा १५ रातोमाटेमा काठमाडौंबाट विरगंज जाँदै गरेको यात्रुबाहक रात्री बसलाई चेकजाँच गर्दा अब्दुलालाई उक्त परिणामको सुन सहित पक्राउ गरिएको प्रहरी प्रमुख प्रहरी उपरीक्षक सुशिल सिंह राठौरले जानकारी दिनुभयो । फलामको बेरिङगमा लुकाएर ल्याएको भेटिएको प्रहरीले जनाएको छ।
उक्त परिणामको सुनको नेपाली बजार मुल्य ४ करोड सत्ताइस लाख अन्ठाउन्न हजार रहेको उपरीक्षक राठौरले बताउनुभयो ।
उनमाथि थप अनुसन्धान भइरहेको र आवश्यक कारवाहीको लागि राजस्व अनुसन्धान कार्यालय पथलैया बारा पठाइएको प्रहरीले जनाएको छ।
यो पनि पढ्नुहोस्
