दोस्रो ‘एट ए साइड’ फुटबलमा एफसी हुप्राको विजयी सुरुवात
हेटौंडामा आजदेखि सुरु भएको दोस्रो राष्ट्रिय भेट्रान्स कप एट ए साइड’ फुटबल प्रतियोगितामा एफसी हुप्राले विजयी सुरुवात गरेको छ ।
आज भएको उद्घाटन खेलमा फुटसल हेटौंडालाई २–० गोल अन्तरले पराजित गर्दै एफसी हुप्राले विजयी सुरुवात गरेको हो ।
एफसी हुप्राको जितका लागि सुवास लेप्चाले खेलको २२ औं मिनेटमा पहिलो गोल गरेका र्थि भने खेलको ३८ औं मिनेटमा राजेन्द्र थापाले अर्को गोल गर्दै एफसीको जीत सनिश्चीत गरेका हुन् । खेलको म्यान अफ द म्याच एफसि हुप्राका ६ नम्बर जर्सीका सुवास लेप्चा घोषित भए ।
फागुन २० गतेसम्म संचालन हुने प्रतियोगितामा आयोजक भुटनदेवी युवा क्लबसँगै कोल्हबी भेट्रान्स, सर्लाही भेट्रान्स, महाबौद्ध कार्पेट एण्ड बौद्ध भेट्रान्स, अभिषेक चर्च नवलपुर भेट्रान्स (नवलपरासी), वागमति गाउँपालिका खेलकुद विकास समिति, एफसी हुप्रा एम, सिमरा भेट्रान्स, हेटौडा फुटसल भेट्रान्स, हेटौडा भेट्रान्स, एफसी विजय युथ र फरेस्ट्री बिहानी भेट्रान्स गरि १२ वटा भेट्रान्स क्लबले सहभागिता जनाएका छन् ।
प्रतियोगितामा प्रथम हुने समूहले नगद एक लाख, द्दितीय हुने समूहले नगद ५० हजार लगायत शिल्ड मेडल र प्रमाण पत्र प्राप्त गर्ने छ । उत्कृष्ट खेलाडी र सम्पूर्ण खेलमा म्यान अफ दि म्याच हुनेले ट्रफी प्राप्त गर्ने अध्यक्ष मोक्तानले बताए ।
यो पनि पढ्नुहोस्
