बागमती गोल्डकप: आयोजक्लाइ ८ गोलले हराउदै च्यासल युथ क्लब विजयी
पुर्वी मकवानपुरको बागमती गाउँपालिकाको जनता मावि प्राविधिक शिक्षालयको खेल मैदानमा जारी तेश्रो बागमती गोल्डकपको जारी पहिलो क्वाटर फाईनलको पहिलो हाफमा ए डिभिजनको च्यासल यूथ क्लबले आयोजक बागमती गाउँपालिकालाई ८ गोल गर्दै विजयी भएको छ ।
पहिलो हाफको ५ औँ मिनेटमा विदेशी खेलाडी कनिज अजेगोके भुजारीले पहिलो गोल गर्दै टिमलाई अग्रता दिए । १० औँ मिनेटमा पनि भुजारीलेनै दोश्रो गोल गरे । खेलको २८ औँ मिनेटमा सुनिल बलले गोल गर्दै टिमलाई ३ गोलको अवस्थामा पुर्याए ।
खेलको ३९ औँ मिनेटमा पुन बलले नै गोल गर्दै टिमलाई ४ ः० को अग्रता दिलाए । खेलको ४३ औँ मिनेटमा च्यासलका नितेन थापाले गोल गर्दै पहिलो हाफमा ५ः० को अग्रता दिलाउन सफल भए ।
खेलको दोस्रो हाफको शुरुको ५८ औँ मिनेटमा च्यासलका तर्फबाट कनिज अजेगोके भुजारीले १ गोल र खेलको ८१ औँ मिनेटमा च्यासलकै पुर्ण बहादुर गुरुङले एक गोल गर्दैैैै अगाडि बढाएका हुन्। भने त्यस्तै जर्सी १० का सुनिल बलले खेलको ८८ मिनेटमा १ गोल थप गर्दै ८ ः ० गोल अन्तरले च्यासल जिजयी भएकको हो ।
भएको खेलकोे म्यान अफ द म्याच भने च्यासलका सुनिल बल हुनु भएको छ । उहाँले नगद सहित ट्रफि प्राप्त गर्नु भएको छ ।
मकवानपुरको पूर्वीक्षेत्रमा पर्ने बागमती गाउ“पालिकामा आयोजित प्रतियोगितामा मंगलबारको खेल न्यू डाँफे युवा क्लव मकवानपुर र जावला खेल युथ क्लवबिच दिउँसो २ बजे हुनेछ ।
गोेल्डकपको विजेताले ६ लाख नगद, शिल्ड र मेडल पाउने छन् । उपविजेतले ३ लाख हात पर्नेछन् । सर्वोत्कृष्ट खेलाडीले ५० हजार नगद पाउने छन् ।
उत्कृष्ट गोलरक्षक, फरवार्ड, मिडफिल्डर, डिफेन्डर र प्रशिक्षकले जनही १० हजार प्राप्त गर्ने जनाइएको छ । प्रत्येक खेलका म्यान अफ दी म्याच हुने खेलाडीलाई ५ हजार नगद पाउनेछन् ।
यो पनि पढ्नुहोस्
