झमकमाया स्मृति कप टि टेन क्रिकेटको उपाधि आधुनिक माध्यमिक समुह बिलाई
मदन भण्डारी स्पोर्टस एकेडेमी तथा सोलिड्यारिटी इन्टरनेशनल एकेडेमीको संयुक्त आयोजनामा सम्पन्न स्वर्गीय झमकमाया स्मृति कप अन्तरबिद्यालय टि टेन क्रिकेट प्रतियोगिताको उपाधि आधुनिक माध्यमिक समुह बि ले जितेको छ ।
बुधबार हुप्रचौरमा भएको फाइनल खेलमा आधुनिक माध्यमिककै समुह ए लाई १० रनले जित्दै समुह बि ले उपाधि जितेको हो । शुरुमा ब्याटिङ गरेको आधुनिक समुह बि ले ९ विकेट गुमाउदै ८५ रन बनाउन सफल भयो ।
समुह बि लाई पछ्याएको समुह ए ३ विकेट गुमाएरर ७५ रनमा सिमित हुन पुगेको थियो । प्रतियोगिताको बिजयी टिमले २० हजार नगदसहित मेडल तथा शिल्ड प्राप्त गरेको छ । यस्तै उपबिजयी टिमले १० हजार रुपैयाँ नगदसहित मेडल तथा शिल्ड प्राप्त गरेको छ ।
प्रतियोगितामा म्यान अफ द सिरिज आधुनिक माबिका मनोज बिक भएका छन् । यस्तै प्रतियोगिताका उत्कृष्ट बलर सिद्धार्थ माबिका कुशल केसी र उत्कृष्ट ब्याट्सम्यान आधुनिक माबिकै बिशाल यादव भएका छन् ।
प्रतियोगितामा बिजयी टिम तथा उत्कृष्ट हुन सफल खेलाडीलाई बागमती प्रदेशका सभामुख सानु कुमार श्रेष्ठले शिल्ड तथा मेडल प्रदान गर्नुभएको थियो । सामुदायिक तथा सँस्थागत बिद्यालयहरु सहभागि भएको प्रतियोगितामा २० वटा टिमको सहभागिता थियो ।
यो पनि पढ्नुहोस्
