अमेरिकासँगको अभ्यास खेलमा नेपाल राष्ट्रपति–११ को जित
आईसीसी क्रिकेट विश्वकप लिग–२ को लागि नेपाल आएको अमेरिकासँगको अभ्यास खेलमा नेपाल राष्ट्रपति–११ ले जित निकालेको छ ।
मुलपानी क्रिकेट मैदानमा आज भएको खेलमा नेपाल राष्ट्रपति–११ ले अमेरिकालाई ३७ रनले हराएको हो । नेपालले दिएको १ सय १२ रनको लक्ष्यसहित जवाफी ब्याटिङ गरेको अमेरिका ३२ ओभर २ बलमा अलआउट हुँदै ७४ रनमा समेटियो ।
अमेरिकाका लागि स्टेभेन टेलरले २८ रन बनाए । यस्तै तिमिल पटेलले २० रन जोडे । नेपाल–११ का सागर ढकालले ३ विकेट लिए । भुवन कार्की र पवन सर्राफले २–२ विकेट लिए ।
यस अघि सुवास खकुरेलले ५२ रनको अर्धशतकीय इनिङ्स खेलेपछि नेपाल–११ ले ३३ ओभर ५ बलमा अलआउट हुँदै १ सय ११ रन बनाएको थियो ।
यो पनि पढ्नुहोस्
