ए डिभिजन लिगमा फ्रेन्ड्ससंग एनआरटी पराजित  

सहिद स्मारक ‘ए’ डिभिजन लिगमा फ्रेन्ड्स क्लबले न्युरोड टिम एनआरटीलाई पराजित गरेको छ ।

सातदोबाटोस्थित एन्फा मैदानमा आज भएको खेलमा फ्रेन्ड्सले एनआरटीलाई २–० गोल अन्तरले पराजित गरेको हो । फ्रेन्ड्सलाई जित दिलाउन सन्जोग महर्जन र वाग्नेर डी कार्मोले एक एक गोल गर्नुभयो ।

पहिलो हाफमा एनआरटीसँग गोलरहित बराबरी खेलेको फ्रेन्ड्सले दोस्रो हाफमा दुई गोल गरेको थियो । फ्रेन्ड्सको लिगमा यो चौंथो जित हो ।

जितसँगै फ्रेन्ड्सले १० खेलमा १४ अंक जोडेको छ । फ्रेन्ड्स लिगको नवौं स्थानमा समेत उक्लिएको छ । एनआरटीको यो तेस्रो हार हो । सातौं स्थानको एनआरटीले १० खेलमा १५ अंक जोडेको छ ।