विभिन्न स्थानबाट दिउँसै चोरी गर्ने गिरोह पक्राउ
महानगरीय प्रहरी अनुसन्धान महाशाखा काठमाडौंले उपत्यकाका विभिन्न स्थानमा दिउँसै चोरी गर्ने एक गिरोहलाई पक्राउ गरेको छ ।
काठमाडौं ५ भत्केको पुलमा बालकुमार थपलियाको घरमा डेरा गरि बस्ने बिष्णु बहादुर कार्किको कोठाबाट नगद करिब २ लाख, २० तोला सुनका गहना र एक थान मोबाइल चोरी गर्ने गिरोह पक्राउ परेको हो ।
उक्त गिरोहले चोरेको सुनका गहना काठमाडौं गोकर्नेश्वर ५ मा रहेको सुन पसलमा बिक्री गरेको सुचनाका अधारमा उनिहरुला पक्राउ गरिएको महाशाखाका प्रवक्ता एसपी मुकेश कुमार सिंहले जानकारी दिनुभयो ।
चोरिको सामान खरिद गर्ने खोटाङ दिक्तेल घर भइ गोकर्नेश्वर ५ का ४३ वर्षका मौल बहादुर बिक, चोरी गर्ने दोलखा शैलुङ १५ का ३० वर्षका रबि कार्की, १९ वर्षका राजन खनाल, काभ्रे पाँचखालका उपेन्द्र खरेल पक्राउ परेका हुन् ।
अनुसन्धानका क्रममा उनीहरुले उपत्यकाको विभिन्न स्थानबाट लाखौं रुपैयाँ नगद र सरसामान चोरी गरेको खुलेको छ । उनिहरुको बिषयमा थप अनुसन्धान भइरहेको एसपी सिंहले जानकारी दिनुभयो ।
यो पनि पढ्नुहोस्
