माघ २५ गते दोस्रो रिभरसाइड क्रिकेट फेस्टिबल हुने
मकवानपुर क्रिकेट एकेडेमीले दोस्रो रिभर साइड क्रिकेट फेस्टिबल २०७६ गर्ने भएको छ ।
आज न्युज क्लबमा पत्रकार सम्मेलन गरि यहि माघ २५ गते रिभरसाइड क्रिकेट फेस्टिबल आयोजना गर्न लागेको जानकारी दिइएको हो । माघ २५ गते भिमफेदी गाउँपालिका वडा १ सामरी पुल नजिकैको खेल मैदानमा फेस्टिबल हुने कार्यक्रम संयोजक अनुप सेनुरियाले जानकारी दिनुभयो ।
५ ओभरमा खेलाइने खेलमा ८ वटा समूहले टिमको सहभागिता रहने संयोजक सेनुरियाले जानकारी दिनुभयो । खेलको विजेताले ३० हजार र उपविजेताले १५ हजार रुपैयाँ पुरस्कार प्राप्त गर्ने आयोजकले जनाएको छ ।
प्रत्येक टिममा ८ जना खेलाडीले सहभागिता जनाउनेछन् । प्रत्येक खेलाडीले सहभागिताका लागि एक हजार पाँच सय दर्ता शुल्क तिर्नु पर्ने र खेलाडीलाई जर्सिको समेत व्यवस्था गरिएको पत्रकार सम्मेलनमा जानकरी गराइएको छ ।
पिकनिक सहितको क्रिकेट फेस्टिबल गर्न लागीयको आयोजकले जनाएको छ । पत्रकार सम्मेलनमा मकवानपुर क्रिकेट संघका अध्यक्ष बासुलाल श्रेष्ठ लगायत एकेडेमीका सदस्यहरुको सहभागिता रहेको थियो ।
यो पनि पढ्नुहोस्
