स्कूलको बसमा आगजनी
हेटौंडा–५ पिप्लेमा रहेको जेनिथ इन्टरनेशनल स्कूलको बसमा शनिबार बेलुकी आगजनी भएको छ ।
स्कूलको कम्पाउण्डभित्र रहेको २ वटा बसमा आगजनी भएको हो । बेलुकी करिब ९ बजेतिर ना७ख ८७२८ र ना१क ३२१८ नम्बरको बसमा आगलागी भएको स्थानीयहरुले देखेपछि प्रहरीलाई खबर गरेका थिए ।
आगजनीबाट ८७२८ नम्बरको बस पूर्ण रुपमा क्षति भएको जनाईएको छ । स्थानीय र हेटौंडा उपमहानगरपालिकाको दमकलले आगो नियन्त्रणमा लिएको छ । आगजनी आफैं भएको वा कसैले आगजनी गरेको हो भन्ने नखुलेको प्रहरीले जनाएको छ ।
यो पनि पढ्नुहोस्
