मकवानपुर प्रहरीद्धारा एकै दिन ९५ किलो लागुऔषध गाँजा बरामद
मकवानपुर प्रहरीले आज बुधबार बिहान ९ बजे लागूऔषध गाँजा ३२ केजी र ३ जनालाई पक्राऊ गरेको पत्रकार सम्मेलनमा सार्वजनिक गरेको केहीबेरमै ६३ केजी गाँजा र अफिमसहित २ जनालाई पक्राऊ गरेको छ ।
इलाका प्रहरी कार्यालय नेवारपानीको प्रहरी नायब निरीक्षक राजेशकुमार यादवको प्रहरी टोलीले सवारी चेकजाँचको क्रममा ६३ केजी लागूऔषध गाँजा र ३ सय १० ग्राम अफिमसहित २ जनालाई पक्राऊ गरेको हो ।
प्रहरीले बाराका २६ बर्षीय लक्ष्मणप्रसाद साह र ३० बर्षीय प्रेम पटेल रहेका छन्, हेटौडा न्युजले लेखेको छ। पक्राऊ परेकाहरुले ना ३ च ५९९७ नम्बरको पिकअप भ्यानमा फल्स बटम बनाएर सो परिमाणको लागूऔषध गाँजा र अफिम ल्याएको प्रहरीले फेला पारेको थियो ।
प्रहरीका अनुसार पक्राऊ परेको सवारी जफत हुनुका साथै लागूऔषध नियन्त्रण ऐन २०३३ अनुसार २ देखि १० बर्ष कैद र १५ हजार रुपैयाँदेखि १ लाख रुपैयाँसम्म जरिवाना हुने बताईएको छ ।
यो पनि पढ्नुहोस्
