ट्राफिक प्रहरी कार्यालय मकवानपुरलाई ट्राफिक फर्निचर उपलब्ध
हेटौँडा उपमहानगरपालिकाकाले जिल्ला ट्राफिक प्रहरी कार्यालय मकवानपुरलाई ट्राफिक फर्निचर उपलब्ध गराएको छ ।
मेयर हरीबहादुर महतले सोमबार एक कार्यक्रमका बीच ट्राफिक प्रहरी निरिक्षक हरिबिष्णु ढकाललाइ फर्निचर हस्तान्तरण गर्नुभएको हो । उपमहानगरको ट्राफिक व्यवस्थापनका लागि सहज होस् भन्ने उदेश्यले सामाग्री हस्तान्तरण गरिएको हो ।
सवारी साधन चेकजाँच गर्न र चालकहरुका गतिबिधी नियाल्न उपयोग हुने सामग्रीहरु उपलब्ध गराईएको उपमहानगरपालिकाले जनाएको छ ।
उपमहानगरले गोप्रो क्यामारा १ थान, मादक पदार्थ सेवन परिक्षण गर्न ब्रेथ लाइजर १ थान, व्हिल लकर १० थान, म्याजीक लाइट ५ थान, सडक लेन छुट्याउने ट्राफीक कोण २५ थान उपलब्ध गराएको हो ।
उपमहानगरबाट प्राप्त सामग्रीको उपयोग गर्दै ट्राफिक व्यवस्थापनमा कृयाशील हुने जिल्ला ट्राफिक प्रहरी कार्यालयले जनाएको छ ।
यो पनि पढ्नुहोस्
