७० प्रतिशत महिला सन्चारकर्मी राख्ने सन्चारगृहलाई प्रोत्साहन अनुदान दिईनेः प्रेस रजिस्टार सापकोटा
बागमती प्रदेश सरकारले ७० प्रतिशत भन्दा बढी महिला सन्चारकर्मी राख्ने सन्चार गृहलाई प्रोत्साहन अनुदान दिने तयारी गरेको छ ।
महिला, बालबालिका सम्बन्धी २ दिने तालिमको उद्घाटन गर्दै प्रेस रजिस्टार रेवती सापकोटाले पत्रकारितामा महिलाको सक्रियता बढाउने प्रदेश सरकारको उदेश्य अनुरुप अनुदान दिने तयारी गर्न लागिएको बताउनुभयो ।
आफ्नो क्षमता आफै प्रदर्शन गर्ने एक मात्र पेशा पत्रकारिता हो भन्दै सापकोटाले प्रदेश स्तरको समाचार लेखनमा ध्यान दिन सुझाव दिनुभयो ।
पत्रकार महिलाहरुलाई यो पेशामा टिकाइ राख्न सरकारले विभिन्न योजना ल्याउने तयारी गरिरहेको समेत उहाँले बताउनुभयो । तालिममा नेपाल पत्रकार महासंघ बागमती प्रदेशका अध्यक्ष प्रताप विष्टले अहिले पत्रकारिता गरेर बाच्न सकिने माहोल बनेको बताउनुभयो ।
उहाँले त्यसको लागि महिला पत्रकारहरुमा सिप, निरन्तरता र समर्पणको आवस्यकता रहेको बताउनुभयो । उहाँले भन्नुभया – 'राम्रो समचार लेख्नुस्, आफुलाई चिनाउनुस् आफै बार्गेनि पावर बढ्छ । तपाइलाई मिडियाले आफैं खोज्छ ।'
भोली सम्म चल्ने तालिममा बागमती प्रदेशको मकवानपुर सहित ५ जिल्लाका करिब २० जना संचारकर्मीको सहभगिता रहेको छ ।
बिस्टको अध्यक्ष्यतामा भएको कार्यक्रममा सचारकर्मी विश्वमणि सुवेदी, राजाराम गौतम, राममणी दाहाल, ग्रामीण महिला सेवा केन्द्रकी अध्यक्ष्य उर्मिला कार्की लगायतको उपस्थिती रहेको थियो ।
यो पनि पढ्नुहोस्
