कांग्रेस नेता बानियाँद्वारा धादिङ दुर्घटनामा मृत्यु भएका प्रति दुःख व्यक्त
बागमती प्रदेशको प्रमुख प्रतिपक्ष दल नेपालीका नेता ईन्द्रबहादुर बानियाँले धादिङमा भएको ट्रक दुर्घटनामा मृत्यु भएका प्रति दुःख व्यक्त गर्नु भएको छ ।
बानियाँले आज विज्ञप्ति जारी गर्दै धादिङको निलकण्ठ नगरपालिका–८ मा हिजो मंगलबार भएको दुर्घटनामा ७ जनाको मृत्यु र ३० बढि घाइते भएको घटनाप्रति दुःख व्यक्त गर्नु भएको हो ।
उहाँले दिवंगत आत्माको चीर शान्तिको कामना गर्दै शोक सन्तप्त परिवारजनमा समवेदना व्यक्त गर्नु भएको छ । विज्ञप्तिमा घाइतेको शिघ्र स्वास्थ्य लाभको कामना गरिएको छ ।
नेता बानियाँले घाइतेहरुको उपचार र मृतकका परिवारलाई राहतको उचित व्यवस्था मिलाउन समेत प्रदेश सरकारसंग माग गर्नु भएको छ ।
उहाँले दुर्घटनाका न्यूनिकरणका लागि अभियान संचालन गर्न सम्बन्धित निकायको ध्यानाकर्षण समेत गराउनु भएको छ ।
यस्तै, मकवानपुरको थाहा नगरपालिका वडा नम्बर ४ स्थित दामनको एभरेष्ट पानोरमा रिसोर्टमा निसासिएर मृत्यु भएका ८ जना पर्यटक प्रति श्रद्धाञ्जली व्यक्त गर्दै घटनाको सत्य, तथ्य छानविनका लागि संघीय र प्रदेश सरकारसंग माग गर्नु भएको छ ।
यो पनि पढ्नुहोस्
