मकवानपुरमा सहिद सप्ताह भव्य रुपमा मनाइने
मकवानपुरमा माघ १६ गते पर्ने सहिद दिवस सप्ताहव्यापी कार्यक्रम गरी भव्य रुपमा मनाइने भएको छ ।
आज जिल्ला समन्वय समिति मकवानपुरमा आयोजित कार्यक्रममा जिसस प्रमुख रघुनाथ खुलालले सप्ताहव्यापी कार्यक्रम गरी सहिद दिवस मनाउन लागेको जानकारी दिनुभएको हो ।
सहिद दिवसलाई प्रभावकारी बनाउन जिल्ला समन्वय समितिलाई जन परिचालनको जिम्मा प्राप्त भएको प्रमुख खुलालले बताउनु भयो । सबै संघ सस्थाका प्रतिनिधि तथा स्थानियहरुको कार्यक्रममा उपस्थीतिका लागी पनि उहाँले आग्रह गर्नु भएको छ ।
सप्ताह व्यापी कार्यक्रम अन्र्तगत पहिलो दिन माघ १० गते शुभारम्भ पद यात्रा गरिनेछ । बुद्धचोक देखि सहिद स्मारकसम्म पद यात्रा गरिने कार्यक्रम संयोजक रामेश्वर रानाले जानकारी दिनुभयो ।
यस्तै १० गते नै मकवानपुर गढीमा २ सय ५७ औ बिजय उत्सव समेत मनाइने रानाले बताउनु भयो । ११ गते कलेज स्तरीय वक्तृत्वकला प्रतियोगीता, ११ गते नै शहिद स्मारक पार्कमा रक्तदान, १२ गते सहिद स्मारकमा नै विविध सांस्कृतिक कार्यक्रम गरीने रानाले बताउनु भयो ।
१३ गते कला सृजना कार्यशाला, १४ गते राष्ट्रपती बिद्या देवि भण्डारीद्धारा प्रजातान्त्रिक भवन उद्धघाटन, १५ र १६ गते क्रमशः साहित्यीक गजल वाचन कार्यक्रम र मुल समारोह समितिको प्रभातफेरी तथा श्रद्धान्जली कार्यक्रम गरिने रानाले बताउनुभयो ।
साथै १० गते देखि १६ गते सम्म सातै दिन स्थानिय कृषि उत्पादन प्रदर्शनी पनि गरिने बताइएको छ ।
यो पनि पढ्नुहोस्
