क्याम्पाडाँडामा तेस्रो लिंगी अजिताको शव फेला
हेटौंडा ५ क्याम्पाडाँडामा शंकास्पद अवस्थामा एक तेस्रो लिंगीको शव फेला परेको छ ।
कान्तिलोकपथ अन्तरगत हेटौँडा ५ क्याम्पाडाँडामा आज बिहान तेस्रो लिंगी अजिता भुजेलको शव फेला परेको जिल्ला प्रहरी कार्यालय मकवानपुरले जनाएको छ ।
नवलपुर घर भएकी भुजेलको शव अर्धनग्न अवस्थामा सडक छेउमा फेला परेको प्रहरीले जनाएको छ । घटनास्थल पुगेको प्रहरीले टोलीले अजिताको घाँटीमा बत्तिको तार बेरिएको र घाटीमा निलो डाम रहेको जनाएको छ ।
घटनाको प्रकृति हेर्दा उनको हत्या गरी फालिएको हुन सक्ने आशंकामा अनुसन्धान अघि बढाइएको प्रहरीले जनाएको छ ।
यो पनि पढ्नुहोस्
