हेटौंडाको ४ र ५ नम्बर वडामा शहरी स्वास्थ्य केन्द्र सञ्चालन
हेटौंडाको ४ र ५ नम्बर वडामा आज देखि शहरी स्वास्थ्य केन्द्र सञ्चालनमा आएको छ ।
शहरी स्वास्थ्य केन्द्रको आज उद्घाटन गर्दै हेटौंडा उपमहानगरपालिकाका मेयर हरिबहादुर महतले भोलीबाटै स्वास्थ्य सेवा सुरु हुने जानकारी दिनु भयो ।
हेटौंडाका १९ वटै वडामा शहरी स्वाथ्य केन्द्र संचालन गर्ने अभियान अनुसार आज दुईवटा वडामा केन्द्रको उद्घाटन् गरिएको मेयर महतले बताउनुभयो ।
सामान्य बिरामीको उपचार अब वडा स्तरबाटनै दिने उदेस्यले स्वास्थ्य केन्द्र स्थापना गरिएको मेयर महतको भनाई छ ।
हेटौंडा ४ को वडा कार्यालय परिषरमा मोहन बर्जाचार्य शहरी स्वास्थ्य केन्द्र र हेटौंडा ५ को वडा कार्यालय नजिक केन्द्र स्थापना गरिएको हो ।
दुईजना स्वास्थ्गयकर्मी राखेर भोलीबाटै सेवा सुरु गरिने हेटौंडा ४ का वडाअध्यक्ष नविन सिग्देलले वताउनु भएको छ ।
यो पनि पढ्नुहोस्
