४४३ प्रहरी निरीक्षकको सरुवा, मकवानपुरका झाको सरुवा काभ्रेमा
४४३ प्रहरी निरीक्षक (इन्स्पेक्टर)को सरुवा भएको छ।
प्रहरी प्रधान कार्यालयले पुस महिनादेखिको तलव भत्ता समेत हाल सरुवा भएको दरबन्दीबाट लिन पाउने व्यवस्था सहित ४४३ इन्स्पेक्टरको सरुवा गरेको हो।
यसैबीच जिल्ला प्रहरी कार्यालय मकवानपुर अपराध अनुसन्धान समुहमा कार्यरत प्रहरी निरीक्षक पवन कुमार झाको पनि सरुवा भएको छ ।
झाको ईलाका प्रहरी कार्यालय कात्तिके देउराली काभ्रे सरुवा भएको हो । उहाँको स्थानमा ईलाका प्रहरी कार्यालय खाडाँदेवी रामेछापबाट सुजन पाठक आउनुहुने बताइएको छ ।
यस्तै ईलाका प्रहरी कार्यालय पालुङ्का प्रहरी निरीक्षक लोक बाहादुर गुरुङको पनि सरुवा भएको छ । उहाँको महानगरीय प्रहरी परिसर ललितपुर सरुवा भएको हो । उहाँको स्थानमा बिकाश कुमार तामाङ आउने बताइएको छ ।
यो पनि पढ्नुहोस्
