मनहरीमा सडक पेटीमै खुल्ला माछामासु विक्रि, उपभोक्ता धुलो मिसिएको माछामासु खान बाध्य(तस्विरहरु)
उपभोक्ताले स्वस्थ्यकर माछामासु खान पाउनु पर्ने उनीहरुको अधिकार हो ।
तर मनहरी गाँउपालिकाको मनहरी बजारमै सडक छेउको पेटीमा माछामासु खुल्ला रुपमा बिक्रिबितरण हुँदा उपभोक्ता धुलो मिसिएको माछामासु खान बाध्य छन् ।
गाउँपालिकाले सडक छेउमै खुल्ला रुपमा माछामासु बिक्री गर्न रोक लगाएको छ । तर व्यवसायीहरुले अटेर गरिरहेका छन् । गाउँपालिकाले पटकपटक अनुगमन गरेपनि कारवाही प्रकृया अघि बढाउन नसक्दा व्यवसायीले अटेर गरेका हुन् ।
उपभोक्ता समेत सडकमै माछामासु खरीद गर्न पुगीदिने भएपछि व्यवसायीले मौकाको फाइदा उठाईरहेका छन् । सडक छेउमै माछामासुको व्यापारले मनहरीको सौन्दर्य समेत विगारेको छ ।
गाउँपालिकाले उपलब्ध गराएको सटर भाडा महङ्गो भएको वाहान बनाउँदै ब्यवसायी सडकमै व्यापार गरेर रमाईरहेका छन् ।
मनहरीकै बासिन्दालाई यो दृश्य सामान्य लाग्न सक्छ, तर पूर्वपश्चिम राजमार्गमा यात्रा गर्ने यात्रुहरु यो विजोग दृश्य हेर घिन मान्दै दैनिक यात्रा गरिरहेका हुन्छन् ।
गाउँपालिकाकै प्रतिष्ठाको विषय भएकाले माछामासु व्यवसायीलाई तोकिएकै स्थानमा लैजाने प्रयास भईरहेको गाउँपालिकाकी उपाध्यक्ष मनिला विष्टले बताउनुहुन्छ । पटक पटक अटेर गरे कडा कदम चाल्न बाध्य हुने उहाँको भनाई छ ।
यो पनि पढ्नुहोस्
