मनकामना मन्दिरमा २२ थान डस्टबिन सहयोग
मकवानपुर गढी गाउँपालिका ४ मक्रान्चुलीमा रहेको धामिर्क तथा पर्यटकीय स्थल मनकामना मन्दिरमा २२ थान डस्टबिन हस्तान्तरण गरिएको छ।
मोबाइल एसोसिएसन अफ नेपाल मकवानपुरले २२ थान डस्टबिन सहयोग गरेको हो।
मोबाइल एसोसिएसन अफ नेपाल मकवानपुरले शनिबार एक कार्यक्रमको आयोजना गर्दै मकवानपुर गढी गाउँपालिका अध्यक्ष विदुर प्रसाद हुमागाई र गढी गाउँपालिका ४ का वडाध्यक्ष राम प्रसाद तिमिल्सिनालाई २२ थान डस्टबिन हस्तान्तरण गरेको हो।
मोबाइल एसोसिएसन अफ नेपाल मकवानपुर अध्यक्ष एसिस रिजालको सभाध्यक्षतामा भएको हस्तान्तरण कार्यक्रममा मकवानपुर गढी गाउँपालिका अध्यक्ष विदुर प्रसाद हुमागाईको प्रमुख आतिथ्यता रहेको थियो।
कार्यक्रममा बोल्दै अध्यक्ष हुमागाईले धामिर्क स्थललाई फोहर रहित बनाउने उद्देश्यले डस्टविन सहयोग गरेकोमा मोबाइल एसोसिएसन मकवानपुरलाई धन्यवाद दिनुभयो ।
मनकामना मन्दिर परिसर फोहोर हुदै गएको र त्यसको व्यवस्थापनमा सहज हुने र मनकामनाडाँडा पर्यटकीय स्थल भएकोले यस क्षेत्रलाई सुन्दर बनाउन सहयोग पुर्याउने हेतुले डस्टविन सहयोग गरिएको एसोसिएसन मकवानपुरका अध्यक्ष रिजालले बताउनुभयो ।
कार्यक्रममा गढी गाउँपालिका वडा नम्बर ४ का वडाध्यक्ष राम प्रसाद तिमिल्सिना, एसोसिएसन कोषाध्यक्षमा कुमार हुमागाई, गोरखनाथ मनकामना टोली विकास संस्थाका उपाध्यक्ष बालकृष्ण तिमिल्सिना, मनकामना खानेपानी समितिका अध्यक्ष रामचन्द्र देवकोटा मोबाइल एसोसिएसन अफ नेपाल मकवानपुरका सल्लाहाकार प्रकाश महर्जन, महेन्द्र राउत सहित मोबाइल एसोसिएसन अफ नेपाल मकवानपुरका पदाधिकारीहरु र स्थानीयहरुले उपस्थिति रहेको थियो।
यो पनि पढ्नुहोस्
