प्रजातन्त्रका लागी अपहरण नामक बृत्त चित्र हेटौडामा प्रर्दशन हुने
नेपाली काङग्रेसका नेता गीरिजा प्रसाद कोइरालाको जिवन घटनामा आधारित प्रजातन्त्रका लागी अपहरण नामक बृत्त चित्र हेटौडामा प्रर्दशन हुने भएको छ ।
जी पी फाउन्डेसनका केन्द्रिय सदस्य सुजता काेईरालाकाे उपस्थीतिमा बृत्त चित्र प्रर्दशन हुने भएको हो ।
बिहिबार जी पी कोइराला फाउन्डेशन मकवानपुरले पत्रकार सम्मेलनको आयोजना गर्दै आउदो शनिबार हेटौडाको ओ म्याक्स चलचित्र हलमा प्रर्दशन हुन लागेको जानकारी दिएको छ ।
बृत्तचित्रमा गीरिजा प्रसाद कोइरालाले प्रजातन्त्रको लडाँइमा बेहोरेको यातना र नेपाली काङगे्रसले बि स २०३०मा बिमान अपहरण गर्दाका घटनाहरु समाबेस गरीने जानकारी दिइएको छ ।
बृत्त चित्रबाटप्राप्त आम्दानि जी पी फाउन्डेसनको काममा उपयोग गरीने संयोजक नारायण प्रसाद लम्सालले बताउनु भयो । यसै गरी सोहि दिन फाउन्डेसनको मकवानपुर कार्यालय समेत उद्घाटन गरीने लम्सालले बताउनु भयो ।
कार्यक्रममा नेपाली काँग्रेस मकवानपुरका कार्यबाहक सभापति बिष्णु लामिछाने, फाउन्डेसनका मकवानपुर सचिव रामहरि तिमल्सिना लगायतका पदाधिकारीहरुको उपस्थिति रहेको थियो ।
यो पनि पढ्नुहोस्
