स्कुल बसको ठक्करबाट बालक घाइते
हेटौडा ११ थानाभर्याथङमा स्कुल बसको ठक्करबाट एक बालक घाइते भएका छन् ।
सिमल टार स्थित भित्री सडक खण्डमा बिद्यार्थी पुर्याउन गएको बा ३ क २२० नम्बरको त्रिभुवन मा.बिको स्कुल बसले ठक्कर दिदा स्थानीय सुमन लामाका छोरा बर्ष ५ का असिम घाइते भएका हुन् ।
बायाँ खुट्टामा चोट लागेका असिमको चुरेहिल अस्पतालमा उपचार भैरहेको जिल्ला प्रहरी कार्यालय मकवानपुरले जनाएको छ ।
उनको अवस्था मध्यम रहेको प्रहरीले जनाएको छ । ठक्कर दिने गाडी र चालक प्रहरीको नियन्त्रणमा छन् ।
यो पनि पढ्नुहोस्
