माछाप्लान नजिकै सवारी दुर्घटना, ६ जना घाइते
हेटौंडा ५ माछाप्लान नजिकै मोटरसाइकल र अटो आपसमा ठोक्किएर दुर्घटना हुँदा ६ जना घाइते भएका छन्।
हेटौंडा बजारबाट क्याम्पाडाँड तर्फ जादै गरेको ना १ ह ६६५७ नम्बरको अटो र सोही दिसाबाट आउदै गरेको ना ७ प ६१९४ नम्बरको मोटरसाइकल अोभरटेक गर्ने क्रममा अटोसंग ठोक्किएको वडा प्रहरी कार्यालय हेटौडाका प्रहरी निरीक्षक ईश्वरी प्रसाद भण्डारीले जानकारी दिनुभयो ।
दुर्घटनामा अटो चालक हेटौंडा ५ का धुव्र मैनालि, अटोमा सवार ६५ वर्षका मोहनलला मानन्धर, ४० वर्षकि कल्पना मानन्धर, ५५ वर्षकि मायादेवी मानन्धर र मोटरसाइकल चालक हेटौंडा ७ का विश्वास तितुङ्ग र मोटरसाइकलमा सवार मणिराज तामाङ घाइते भएको प्रहरी निरीक्षक भण्डारीले जानकारी दिनुभयो ।
घाइते मध्ये मायादेवीको चुरेहिल अस्पताल र अन्य ५ जनाको हेटौंडा अस्पतालमा उपचार भइरहेको छ। अटो र मोटरसाइकल प्रहरी नियन्त्रणमा रहेको छ।
यो पनि पढ्नुहोस्
