आँचल साहित्य कला पुञ्जद्धारा स्रष्टालाई सम्मान
आँचल साहित्य कला पुञ्ज मकवानपुरको सातौ बार्षिक साधरण सभा, स्रष्टा सम्मान तथा रचना बाचन कार्यक्रम आज हेटौंडामा सम्पन्न भएको छ । कार्यक्रममा विभिन्न विधामा स्रष्टाहरुलाई सम्मान गरिएको थियो ।
बालकुमारी जगन्नाथ भेटवाल स्मृति साहित्य सम्मान २०७६ हरिवंश भेटवाले दश हजार १ रुपैयाँ, प्रतिभा धिताल छन्द पुरस्कार मुना आर्यलले दस हजार १ रुपैयाँ, ईश्वर लम्साल स्मृति पत्रकारिता सम्मान २०७६ अप्सरा तिमल्सिना र छोरा प्रकाश लम्सालले ५ हजार ५ सय ५५ रुपैयाँ, टीकादत्त मायादेबि कुलकुमारी साहित्यिक पुरष्कार २०७६ साहित्यकार रुकु लगाएत उँहाको बहिनीहरुले एघार हजार एक सय रुपैयाँ पुरस्कार बितरण गरेको थियो ।
यस्तै अप्सरा तिम्सिना लम्साल स्मृति साहित्य सम्मान, यसोधरा तिमल्सिना १५ हजार एक रुपैयाँ नगद पुरस्कार बितरण गरेको थियो ।
आँचल साहित्य कला पुञ्जकी अध्यक्ष अनिता न्यौपानेकोको अध्यक्षतामा भएको कार्यक्रममा हेटौंडा उपमहानगरपालिकाका उपमेयर मिना कुमारी लामाको प्रमुख आतिथ्यता रहेको थियो ।
यो पनि पढ्नुहोस्
