हेटौँडामा घरबाट सामान चोर्ने समूह सक्रिय
हेटौँडामा घरबाट सामान चोर्ने समूह सक्रिय भएको छ । घरमा रहेकाहरुको आँखा छलेर र मानिस नभएको मौका छोपी सामान चोरी गरेर भाग्ने समूह सक्रिय भएको हो ।
वडा प्रहरी कार्यालयले यस्तै सामान चोरेर भाग्दै गरेका २ जनालाई प्रहरीले मंगलबार पक्राउ गरेको छ । पक्राउ पर्नेमा पर्साको पकाहा मैनपुर गाउँपाकिला वडा नम्बर १ धोरेका २५ बर्षीय रोहित दुसात र बीरगञ्ज महानगरपालिका वडा नम्बर १२ का ६० बर्षीय मोस्ताकिम राहिव रहेका छन् ।
उनीहरुले हेटौँडा–४ कमलडाँडाका सम्पदकुमार काफ्ले र शुभद्रा आचार्यको घरबाट मोबाईल चोरेर भाग्दै गरेका उनीहरुलाई वडा प्रहरीको टोलीले पक्राउ गरेको छ ।
उनीहरुलाई आईफोन र सामसुङ मोबाईलसहित पक्राउ गरेको वडा प्रहरी कार्यालय हेटौँडाका प्रहरी निरीक्षक ईश्वरीप्रसाद भण्डारीले बताए ।
यो पनि पढ्नुहोस्
