मोतीबिन्दु भएका १० जनाको निःशूल्क शल्यक्रिया

महिला सशक्तिकरण तथा गरिवि निवारण समूहको आयोजनामा हेटौंडा १९ ज्यामिरेमा शनिबार भएको आँखा शिविरमा मोतिविन्दु पत्ता लागेका १० जनाको आइतबार निःशूल्क शल्यक्रिया गरिएको छ ।

शिविरमा १२ जनालाई मोतिया विन्दु भएको पत्ता लागेको थियो । १ जनाको मोतिबिन्दुको अवास्था जटिल भएकोले काठमाडौं रिफर गरिएको छ । तर, उनीहरुको आर्थिक अवस्था कमजोर भएकोले घर फर्किएको समूहकी अध्यक्ष इन्दिरा न्यौपानेले जानकारी दिनुभयो ।

शनिबार भएको शिविरमा १६५ जनाले आँखा परीक्षण गराएका थिए । स्थानीयको माग अनुसार सो स्थानमा आँखा शिविरको आयोजना गरिएको न्यौपानेले बताउनुभयो । शिविरमा सामुदायिक आँखा अस्पतालको प्राविधिक सहयोग रहेको थियो ।