४५० थान लागुऔषध सहित हेटौडाका एक जना पक्राउ
सशस्त्र प्रहरी बल १४ नम्बर गणले लागुऔषध सहित हेटौडाका एक जनालाई पक्राउ गरेको छ ।
आज साँझ ४५० थान लागुऔषध सहित मकवानपुरको हेटौडा उपमहानगरपालिका २ संगम चोकका ३० वर्षका रामजी बनियाँलाई पक्राउ गरेको हो ।
उनको साथबाट डाइजेपाम इन्जेक्सन १५०, फेनारगन १५० थान, नोफिन इन्जेक्सन १५० थान बरामद गरेको प्रहरीले जनाएको छ ।
सशस्त्र प्रहरी सहायक निरिक्षक ऋषिकान्त मण्डलको कमाण्डमा खटिएको टोलीले विरगंजबाट हेटौडा आउँदै गरेको ना ४ ख ६१५४ नम्बरको यात्रुबहाक बसलाई हेटौंडा १५ चुरियामाई मन्दिर नजिक चेकजाँच गर्ने क्रममा बनियाँको साथबाट उक्त परिमाणको लागुऔषध बरामद गरेको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिनुभयो ।
बनियाँलाई आवश्यक कारवाहीको लागि हिरासतमा राखिएको उहाँले बताउनुभयो ।
यो पनि पढ्नुहोस्
