विभिन्न समयमा बरामद लागु औषध नष्ट (तस्विरहरु)
जिल्ला प्रहरी कार्यालय मकवानपुरले विभिन्न समयमा बरामद गरेको लागुऔषध आज जलाएर नष्ट गरेको छ ।
मकवानपुरका विभिन्न स्थानहरूबाट बरामद गरी अनुसन्धान तथा कारबाहीको लागि दाखिला भएका लागुऔषध भिमफेदी गाउँपालिका १ स्थित खोलाको बगरमा नष्ट गरिएको हो ।
प्रहरीले लागुऔषध गाँजा २१० के जी ३६४ ग्राम, चरेश १३ के जी ०४२ ग्राम, WINCIREX ७ बोतल, डाईजेल्याब १८९ वटा एम्पुल, ब्युर्पिनोर्फिन १८६ वटा एम्पुल, फेनारगन १९० वटा एम्पुल, नाईट्रोभेट ६८६ ट्याब्लेट, कोरेक्स ९९१ एमएल नष्ट गरेको हो ।
जिल्ला प्रहरी कार्यालय मकवानपुरका प्रमुख प्रहरी उपरीक्षक मुकेश कुमार सिंह, भिमफेदी गाउँपालिका वडा नम्बर १ का वडाध्यक्ष श्याम कुमार वल, जिल्ला अदालत मकवानपुरका प्रतिनिधि विनोद कुमार ढकाल, जिल्ला ट्राफिक प्रहरी कार्यालयका कार्यालय प्रमुख प्रहरी निरीक्षक हरीविष्णु ढकाल, दिपकला प्रतिष्ठान सुधारकेन्द्रका अध्यक्ष राजिव श्रेष्ठ, स्थानिय, पत्रकार लगायतको उपस्थितिमा लागुऔषध जलाएर नष्ट गरिएको हो ।
यो पनि पढ्नुहोस्
