सवारी दुर्घटनामा २ जनाको मृत्यु, १ जना गम्भिर घाइते
बाराको जितपुर उपमहानगरपालिका २२ स्थित ४ नम्बर पुल नजिक आज भएको सवारी दुर्घटनामा २ जनाको मृत्यु भएको छ ।
जितपुर सिमरा सठकखण्ड अन्तरगत पर्ने ४ नम्बर पुल नजिकै हेटौडाबाट पथलैया जादै गरेको ना ४६ प २५०४ नम्बरको मोटरसाइकललाई सोहि दिशा बाट आउदै गरेको ना ५ ख ९०५५ नम्बरको ट्रकले ठक्कर दिएको जिल्ला प्रहरी कार्यालय बाराले जनाएको छ ।
दुर्घटनामा मोटरसाइकलमा सवार रौतहट चन्द्रपुर नगरपालिका ८ बस्ने २६ वर्षकी तिर्थ कुमारी राई र उनका छोरा १ वर्षका आहान चौधरीको मृत्य भएको प्रहरीले जनाएको छ।
तिर्थ कुमारीका श्रीमान मोटरसाइकल चालक २८ वर्षका राकेश चौधरी घाइते भएका छन् । उनको अवस्था गम्भिर रहेको प्रहरीले जनाएका छ ।
दुर्घटनामा घाइते भएका तीनै जनालाई उपचारको लागी चुरेहिल अस्पताल ल्याइएकोमा तिर्थकुमारी र उनका छोरा आहानको उपचारको क्रममा हेटौडा स्थित चुरेहिल अस्पतालमा मुत्यु भएको हो ।
घाइते मोटरसाइकल चालक चौधरीको अवस्था गम्भीर रहेको प्रहरीले जनाएको छ। ठक्कर दिने ट्रक प्रहरी नियन्त्रणमा रहेपनि ट्रक चालक फरार रहेको प्रहरीले जनाएको छ।
यो पनि पढ्नुहोस्
