राष्ट्रिय जनसरोकार मन्चले बुझायो प्रधानमन्त्रीलाई ज्ञापनपत्र
भारतले आफ्नो राजनीतिक नक्सामा नेपाली भुमी पारेको विरोधमा राष्ट्रिय जनसरोकार मन्च नेपालले जिल्ला प्रशासन कार्यालय मकवानपुर मार्फत प्रधानमन्त्रीको ध्यानाकर्षण गराएको छ ।
मञ्चले आज जिल्ला प्रशासन कार्यालय मकवानपुरका प्रशासकीय अधिकृत दिपचन्द्र गर्तौलालाइ ज्ञापनपत्र बुझाउदै ध्यानाकर्षण गराएको हो ।
मन्चले ज्ञापनपत्रमा सरकारले नेपालको आधिकारिक नक्सा सार्वजनिक गर्नुपर्ने, नेपालको सिमा सुरक्षाको जिम्मा नेपाली सेनालाइ दिनुपर्ने, नेपाल–भारत सिमा समस्यालाइ अन्तराष्ट्रियकरण गर्नुपर्ने लगायतका १० बुँदे माग सहितको ज्ञापनपत्र बुझाएको हो ।
ज्ञापनपत्र बुझउँदै मञ्चका अध्यक्ष उमेश गुणिले भारतीय हस्तक्षेप राष्ट्रको गम्भिर विषय भएकोले सरकार संबेदनशिल हुनुपर्नेमा जोड दिनु भएको छ ।
भारतले पटक पटक नेपाली भूमिमा हस्तक्षेप गरेको भन्दै सर्वत्र विरोध भइरहेको छ । पछिल्लो पटक भारतले लिपुलेक, लिम्पियाधुरा, कालापानी आफ्नो नक्सामा पार्दा पनि सरकार चुप बसेको भन्दै विभिन्न संघसंगठन, विद्यार्थीहरु, राजनितीक दल लगायतले सरकारको आलोचना गरिरहेका छन् ।
यो पनि पढ्नुहोस्
