चनौटा सामुदायिक वनमा महिलाको शव भेटियो
हेटौंडा उपमहानगरपालिका–१९ स्थित चनौटा सामुदायिक वनमा एक महिलाको शव फेला परेको छ ।
शरीर जलेको तथा कुहिएको अवस्थामा महिलाको शव फेला परेको हो । महिलाको परिचय खुल्न सकेको छैन ।
स्थानीयले जानकारी दिएपछि प्रहरी घटनास्थलमा पुगेको छ ।
जिल्ला प्रहरी कार्यालय मकवानपुरका निमित्त प्रवक्ता ललनकुमार कुर्मीका अनुसार महिलाको शरीरको पेटको भाग जलेको छ भने टाउको छुट्टिएको अवस्थामा रहेको छ ।
जंगलबाट गन्ध आएपछि स्थानीयले प्रहरीलाई खबर गरेका हुन् । घटनाको विस्तृत विवरण आउन बाँकी रहेको छ ।
यो पनि पढ्नुहोस्
