नक्कली सुन सहित २ जना पक्राउ
नक्कली सुन सहित पक्राउ परेका २ जनालाई जिल्ला प्रहरी कार्यालय मकवानपुरले सार्वजनिक गरेको छ ।
जिल्ला प्रहरी कार्यालय मकवानपुरका प्रमुख मुकेश कुमार सिंहले आज कार्यालयमा पत्रकार सम्मेलन गर्दै उनिहरुलाई सार्वजनिक गर्नु भएको हो ।
दोलखाको जिरी नगरपालिका ३ बस्ने ४७ बवर्षका ध्याल सिंह शेर्पा र मकवानपुरको राक्सिराङ् गाउँपालिका ४ बस्ने अभय कुमार थिङलाई नक्कली सुन सहित हिजो पक्राउ गरिएको उहाँले जानकारी दिनुभयो ।
जिप्रकाबाट खटीएको टोलीले भैसेबाट हेटौंडा आउदै गरेको बा ९३ प ९०६ नम्बरको मोटरसाइकल हेटौंडा १ चौकिटोलमा चेकजाँच गर्दा शेर्पाको साथबाट SUISSE १ किलो फइन गोल्ड ९९९.९ CO २२६६६५० लेखिएको सुन जस्तो देखिने पहेलो रङ्गको चारपाटे आकारको बस्तु फेला पारेको एसपी सिंहले जानकारी दिनुभयो ।
पक्राउ परेका दुबैजनालाई यसअघि भएका सुनका गरगहना ठगिमा संलग्नता रहेको हुन सक्ने भन्दै आवश्यक अनुसन्धान भइरहेको उहाँले बताउनुभयो ।
यो पनि पढ्नुहोस्
