आँचलले यसबर्ष ५ बिधामा पुरस्कार तथा सम्मान प्रदान गर्ने
मकवानपुरका नारी साहित्यकारहरुको सँस्था आँचल साहित्य कला पुञ्जले यसबर्ष विभिन्न ५ बिधामा पुरस्कार तथा सम्मान प्रदान गर्ने भएको छ ।
बुधबार हेटौंडामा पत्रकार सम्मेलनको आयोजना गर्दै सँस्थाले सम्मान तथा पुरस्कारबारे जानकारी दिएको हो ।
विगतदेखि नै साहित्य तथा पत्रकारिताको क्षेत्रमा योगदान पुर्याउने स्रस्टा तथा सञ्चारकर्मीहरुलाई सम्मान गर्दै आइरहेको र त्यसैको निरन्तरता स्वरुप ५ विधामा सम्मान गर्न लागिएको सँस्थाकी कार्यबाहक अध्यक्ष अनिता न्यौपानेले जानकारी दिनुभयो ।
सँस्थाले यसबर्षको बालकुमारी जगन्नाथ भेटवाल स्मृति साहित्य सम्मान काठमाडौंकी कवि डाक्टर बिन्दु शर्मालाई प्रदान गर्ने भएको छ ।
यस्तै प्रतिभा धिताल छन्द पुरस्कार तनहुँकी प्रभा भट्टराईलाई प्रदान गर्ने भएको भने इश्वर लम्साल स्मृति पत्रकारिता पुरस्कार मकवानपुरका पत्रकार नवराज शर्मालाई प्रदान गरिने भएको छ ।
यसबर्षको टीकादत्त मायादेवी कुलकुमारी साहित्यीक पुरस्कार ललितपुरकी साहित्यकार ललिता दोषीलाई प्रदान गरिने छ ।
यस्तै अप्सरा तिम्सिना लम्साल स्मृति साहित्य सम्मानबाट साहित्यकार आरसी रिजाल सम्मानित हुने सँस्थाकी कार्यबाहक अध्यक्ष न्यौपानेले जानकारी दिनुभयो ।
यो पनि पढ्नुहोस्
