मनकामना पार्क टोल बिकास संस्थालाई नगद कुर्सि सहयोग
हेटौंडा ५ मा रहेको मनकामना पार्क टोल बिकास संस्थालाई नगद तथा प्लाष्टिकको कुर्सि सहयोग प्राप्त भएको छ ।
समाज सेवि दिलिश गोबिन्द जोशिले नगद ५१ हजार १ सय ५१ रुपैयाँ सहयोग गरेका हुन् । प्रतिफल बचत तथा ऋण सहकारी संस्थाका अध्यक्ष समेत रहेका जोशिले टोल बिकास संस्थाद्वारा निर्माणाधीन कृयापुत्री भवनमा सहयोग हुनेगरी उक्त रकम उपलब्ध गरेको टोल विकास संस्थाले जनाएको छ ।
टोलमा कृयापुत्रीहरुलाई बस्न समस्या भएपछी टोल बिकास संस्थाले हेटौंडा उपमहानगर पालिकाको आर्थिक सहयोगमा भवन निर्माण गरिरहेको छ ।
बजेट अपुगले भवन निर्माणमा समस्या देखिएपछी जोशिले सहयोग गरेका हुन्। टोल बिकास संस्थालाई भौतिक सामग्रीको समेत अभाव भएको जानकारी पाएकोले स्थानीय प्रतिफल बचत तथा ऋण सहकारी संस्थाले २० थान प्लाष्टिकको कुर्सी पनि सहयोग गरेको छ ।
स्थानीय टोलबासिलाई आवश्यक पर्दा भाडामा प्रयोग गर्न मिल्ने गरि अन्य सामग्रीको समेत जोहो गर्न टोल बिकास लागिपरेको अध्यक्ष जानुका संजेलले बताईन् ।
“संस्थालाई धेरै सामग्री जोड्नु छ, हामी सहयोगी दाताको खोजीमै छौ” मनकामना पार्क टोलबिकास संस्था अध्यक्ष संजेलले भनिन् ।
नगद तथा कुर्सी सहयोग कार्यक्रम टोल बिकासका सल्लाहकार तथा मनकामना खानेपानी उपभोक्ता समिती अध्यक्ष रामचन्द्र देवकोटा, सचिब भिमा गुरागाई, प्रतिफल बचत तथा ऋण सहकारी संस्था उपाध्यक्ष निलम श्रेष्ठ, कोषाध्यक्ष विष्णुप्रसाद लोहनी लगायतको उपस्थिति रहेको थियो ।
कार्यक्रममा समाजसेवी जोशिले टोल बिकास अध्यक्ष संजेललाई चेक हस्तान्तरण गरेका थिए भने सहकारीका पदाधिकारीहरुले कुर्सी हस्तान्तरण गरेका थिए । संस्थालाई नगद तथा कुर्सी सहयोग गर्नेलाई अध्यक्ष संजेलले धन्यवाद प्रदान गर्नुभयो ।
यो पनि पढ्नुहोस्
