उपभोक्ता समितिलाई अनुशिक्षण
हेटौंडा उपमहानगरपालिका वडा नम्बर ७ स्थित उपभोक्ता समितिहरुलाई योजना निर्माणबारे अनुशिक्षण कार्यक्रम मंगलबार सम्पन्न भएको छ ।
हेटौंडा उपमहानगरपालिका तथा वडा कार्यालयको समन्वयमा सोमबारदेखि शुरु भएको अनुशिक्षण मंगलबार सम्पन्न भएको हो । अनुशिक्षण कार्यक्रममा वडाका १४ वटा उपभोक्ता समितिका १ सय ४४ जनाको सहभागिता रहेको थियो ।
आर्थिक बर्ष २०७६– ०७७ मा वडामा सम्पन्न हुने योजना निर्माणका प्रक्रिया तथा प्राबधानबारे उपभोक्ता समितिहरुाई सहजीकरण गरिएको थियो ।
कार्यक्रममा हेटौंडा उपमहानगरपालिकाका लेखा शाखाका प्रमुख मनोज सुवेदी, लेखा अधिकृत महेन्द्र चापागाई तथा इन्जिनियर भावुक नेपालले योजना निर्माणबारे प्रशिक्षण दिनुभएको थियो ।
कार्यक्रममा हेटौंडा उपमहानगरपालिका सामाजिक बिकास महाशाखा प्रमुख भिम प्रसाद तिमल्सिना, वडा नम्बर ७ का अध्यक्ष राजन थापा, वडा सदस्य कृष्ण प्रसाद दाहाल, पुर्ववडाअध्यक्ष कोष बहादुर थापा लगायतको उपस्थिति रहेको थियो ।
यो पनि पढ्नुहोस्
