हेटौडाको त्रिखण्डीमा एकादशी मेला(तस्विरहरु)
हेटौडाको त्रिखण्डी, त्रिवेणीधाम लगायतका मन्दिरहरुमा विषेश मेला लागेको छ ।
मकवानपुरको भीमफेदी गाउँपालिका १ स्थित त्रिखण्डेश्वर महादेव मन्दिरमा मेला भर्न आउने भक्तजनहरुका लागि सुरक्षा व्यवस्था चुस्त राखिएको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिनुभयो ।
मेलामा सुरक्षा व्यवस्थापन गर्न एसपी सिंह आफै खटिनु भएको छ । यस्तै सवारी जाम भए भक्तजनलाई सास्ती हुन सक्ने भन्दै ट्राफिक कार्यालय मकवानपुरका प्रमुख हरीविष्णु ढकाल बिहानैबाट ट्राफिक व्यवस्थापनमा लागि पर्नु भएको छ ।
मेलाको समय हुने भिडभाड व्यवस्थीत गर्न तथा हुन सक्ने अप्रिय घटनालाई मध्यनजर गर्दै जिप्रकाले बिहानै देखि प्रहरी टोली खटाएको छ । जिल्ला प्रहरी कार्यालयका प्रहरी निरीक्षक पवन कुमार झाको नेतृत्वमा ६० जनाको प्रहरी टोली खटाइएको एसपी सिंहले जानकारी दिनुभयो ।
यो पनि पढ्नुहोस्
